మునెమ్మ:ఓ స్త్రీశక్తి

నిన్న రాత్రి మునెమ్మ చదివాను. కేశవరెడ్డి గత నవలలతో పోలిస్తే... పూర్తిగా కొత్త శైలి. రెడ్డి పుస్తకాలలో నేను చదివిన తొలి నవల అతడు అడవిని జయించాడు. మునెమ్మలో ప్రత్యేకత ఏంటంటే... ఒకసారి చదవడం ప్రారంభింస్తే, పూర్తయ్యాకే ఆపగలం. కథనం ముందు వెనకలకు ఊగిసలాడుతూ ఉంటుంది. మనం ఏకబిగిన చదవాల్సిందే. అక్కడా వస్తుగతమైన సమస్యలు ఉన్నాయి. అయితే నవల చదివినంత సేపూ వాటి పైకి వెళ్లలేం. బుక్ ముగిశాక మునెమ్మ మాత్రమే గుర్తుంటుంది. మునెమ్మలో అన్నింటి కంటే ఆసక్తికర విషయం.... మనిషికీ, జంతువుకీ మధ్య లైంగిక సంబంధం. దీనిపై విస్తృతమైన చర్చే జరిగింది. ఈ మధ్య కాలంలో ఇలా ఏ నవలపై ఇంత చర్చ జరగలేదని చెప్పుకోవచ్చు. నిజానికి నవలలో జయరాముడి ఆవేశానికి కారణంగా ప్రారంభమై, చివరకు బొల్లిగిత్తలో జయరాముడ్ని మునెమ్మ చూసుకోవడం వరకే పరిమితమైన విషయం. మిగిలిన కథంతా మునెమ్మ సాహసయాత్రే.